کورونا وائرس 2019 کا مرض (COVID-19)

نیو یارک سٹی اور امریکہ بھر میں ابھی بھی COVID-19 کی منتقلی موجود ہے۔

COVID-19 کس طرح پھیل رہا ہے اور شہر کا کتنا حصہ ویکسین شدہ ہے آپ اس کا حساب ہمارے COVID-19: ڈیٹا پیج پر دیکھ سکتے ہیں۔

ویکسینیں

پھیلاؤ کو روکنے کے لیے ہمارے پاس سب سے اہم ذریعہ ویکسینیشن ہے، اور ویکسین لگوانا کبھی بھی اب جتنا آسان نہ تھا۔ NYC میں 5 سال یا اس سے زائد عمر کے تمام افراد اس قابل ہیں کہ شہر بھر میں ہزاروں ویکسینیشن سائٹس میں سے کسی ایک سے آج ہی مفت ویکسین لگوائیں۔ نیو یارک کے باشندے یہ انتخاب بھی کر سکتے ہیں کہ گھر پر ویکسین لگوائیں۔

ویکسین بوسٹر شاٹس 12 سال اور اس سے زیادہ عمر کے تمام مکمل طور پر ویکسین شدہ افراد کے لیے دستیاب ہیں۔ یہ شاٹس ابتدائی ویکسینیشن کے سلسلے سے آپ کو حاصل ہونے والی مدافعت کو بڑھاتے ہیں۔

• ویکسین پر مرکزی صفحہ: ویکسینیشن سائٹ تلاش کریں اور ویکسین کے فوائد کے متعلق جانیں۔

ٹیسٹنگ

ہر کسی کو اپنا ٹیسٹ کروانا چاہیے:

• فوری طور پر، اگر آپ میں COVID-19 کی علامات ہیں۔
• کسی شخص کے COVID-19 میں مبتلا ہونے کے دوران ان سے قریبی رابطہ ہونے (24 گھنٹے کے دورانیے میں کم از کم 10 منٹ کے لیے 6 فٹ سے کم فاصلے پر ہونا) کے پانچ دن بعد۔
• سفر یا کسی اجتماع میں شرکت کرنے سے پہلے اور بعد میں، خاص طور پر اگر آپ اور دوسروں کو ویکسین نہیں لگی ہے یا ٹیکوں کا کورس مکمل نہیں ہے، یا شدید COVID-19 کا خطرہ ہے۔

ویکسین شدہ افراد کو بھی ٹیسٹ کروانا چاہیے۔ COVID-19 ویکسینیں آپ میں مثبت ٹیسٹ کا سبب نہیں بن سکتیں۔

• ٹیسٹنگ: سیکھیں کہ آپ کب اور کس طرح ٹیسٹ کروا سکتے ہیں۔
• COVID-19 ٹیسٹنگ: عمومی سوالات (PDF)
• فوری ٹیسٹنگ: محکمہ صحت کے مفت فوری ٹیسٹنگ والے مقامات، جہاں عام طور پر نتائج پہلے دن میں دستیاب ہوتے ہیں، میں سے کسی میں اپوائنٹمنٹ کا وقت حاصل کریں۔

روک تھام

اپنی اور اپنے ارد گرد موجود لوگوں کی COVID-19 سے حفاظت کرنے کا بہتریں طریقہ ویکسین لگوانا ہے۔

اگر آپ کو ویکسین نہیں لگی ہے تو ہر روز چند اقدامات کر کے NYC میں COVID-19 کے پھیلاؤ کو روکنے میں مدد کے لیے اپنا کردار ادا کریں۔ سب سے اہم یہ ہے کہ، تمام عوامی مقامات پر، چار دیواری سے باہر اور اندر، ماسک پہنیں۔

COVID-19: پھیلاؤ کو روکنے کے متعلق پام کارڈ (PDF)

• روک تھام اور زیادہ خطرے کا شکار گروپس: ہمارے روک تھام کے گُروں پر عمل کریں اور دیکھیں کہ آپ بیمار پڑنے کے زیادہ خطرے سے دوچار ہیں یا نہیں۔

شدید بیماری کے زیادہ خطرے سے دوچار افراد

شدید بیماری کا مطلب یہ ہے کہ COVID-19 میں مبتلا شخص کو ہسپتال میں داخل ہونے، سانس لینے میں مدد کے لیے انتہائی نگہداشت یا وینٹیلیٹر کی ضرورت پڑ سکتی ہے، حتیٰ کہ ان کی موت بھی واقع ہو سکتی ہے۔ شدید بیماری کے زیادہ خطرے سے دوچار افراد کو اپنی صحت کی نگرانی کے حوالے سے محتاط رہنے کی ضرورت ہے۔ COVID-19 سے شدید بیماری کا خطرہ عمر کے ساتھ بڑھتا ہے، جبکہ ضعیف لوگوں کو سب سے زیادہ خطرہ ہوتا ہے۔

جو افراد حمل سے ہیں

جو لوگ دورانِ حمل COVID-19 میں مبتلا ہوجاتے ہیں ان کے COVID-19 سے شدید بیمار پڑنے یا فوت ہو جانے کا امکان زیادہ ہوتا ہے۔ شدید بیماری میں ہسپتال میں داخل کیا جانا، انتہائی نگہداشت یا وینٹیلیٹر کی ضرورت پڑنا شامل ہو سکتا ہے۔

COVID-19 کی ویکسینیشن 5 سال یا زائد عمر کے تمام افراد کے لیے تجویز کی جاتی ہے، بشمول جو لوگ حمل سے ہیں، حال میں حمل ہوا ہے، چھاتی سے دودھ پلا رہے ہیں یا حمل سے ہونا چاہتے ہیں۔ دوران حمل COVID-19 کی ویکسین لگوانے کے فوائد کا پلڑا کسی بھی معلوم ممکنہ خطرات کے مقابلے میں بھاری ہے۔

حمل کے دوران یا بعد اپنی نگہداشت صحت کی اپوائنٹمنٹس کو نہ چھوڑیں۔ اگر زچگی کے دوران آپ بیمار ہوں یا آپ میں COVID-19 کی علامات ہوں تو اپنی آمد سے پہلے اپنی زچگی کی متعلقہ سہولت گاہ سے رابطہ کریں۔

• حمل: جو لوگ حمل سے ہیں ان کے لیے COVID-19 کے مختلف خطرات اور دستیاب معاونت کے متعلق جانیں۔

علاج

COVID-19 کا علاج 12 سال یا اس سے زیادہ عمر کے ہر اس فرد کے لیے دستیاب ہے جس کا COVID-19 ٹیسٹ مثبت آیا ہو۔ علاج مفت ہے اور اسے 24 گھنٹے کے اندر آپ کے گھر فراہم کیا جا سکتا ہے۔ یہ علاج علامات کو کم کر سکتے ہیں اور آپ کو ہسپتال میں داخل ہونے سے بچانے میں مدد کر سکتے ہیں۔

مزید معلومات کے لیے ہمارا پیج علاج ملاحظہ کریں۔

• COVID-19 کا علاج دستیاب ہے (PDF)

ذہنی صحت

COVID-19 کی عالمگیر وباء نیو یارک کے باشندوں میں تناؤ، تھکاوٹ اور بے چینی کا باعث بنی ہے۔ جبکہ آپ اپنی صحت اور کمیونٹی کا تحفظ کرنا جاری رکھے ہوئے ہیں، اپنی ذہنی صحت کا تحفظ کرنا اور اپنے الکحل اور نشہ آور مادے کے استعمال پر نظر رکھنا بھی ضروری ہے۔

آپ کو نبردآزما ہونے میں مدد دینے کے لیے ٹولز اور معاونت دستیاب ہیں۔

روزانہ کی بنیاد پر نبردآزما ہونے کے گُر

• جانیں کہ کہ تناؤ، صدمہ اور غم اس بات پر کس طرح اثر انداز ہو سکتے ہیں کہ آپ کیسا محسوس کرتے ہیں:
  • جسمانی: تھکاوٹ، سر درد، دل کی تیز دھڑکن اور پہلے سے درپیش طبی عارضوں کا بگڑ جانا
  • جذباتی: اداسی، مایوسی، اضطراب، غصے اور چڑچڑے پن کا احساس
  • ذہنی: الجھن، یادداشت کمزور ہو جانا اور توجہ مرکوز کرنے یا فیصلے کرنے میں دشواری
  • رویے سے متعلق: معمول سے مختلف رویہ ظاہر کرنا، بےچینی، کج بحثی اور کھانے، سونے کی عادات میں تبدیلی اور نشہ آور مادے کا استعمال
• زندگی کے ان حصوں پر توجہ مرکوز کریں جو آپ کے اختیار میں ہیں۔ اپنے معمولات پر قائم رہیں، چہرے پر نقاب پہنیں اور جسمانی فاصلے پر عمل کریں۔
• اپنے آس پاس کے معاون لوگوں اور کمیونٹیز کے ساتھ جڑے رہیں۔
• خود کو یاد دلائیں کہ آپ کی طاقتیں کیا ہیں اور آپ کس طرح دیگر مشکل صورتحالوں سے نمٹ چکے ہیں۔

کسی تربیت یافتہ پیشہ ور فرد سے بات کرنے کے لیے جو نگہداشت کے لیے معاونت اور حوالہ جات فراہم کر سکتے ہوں، NYC Well یا NY پراجیکٹ ہوپ سے رابطہ کریں۔

• NYC Well کا بروشر (PDF)

مزید معلومات کے لیے ہمارا پیج ذہنی صحت اور نشہ آور مادے کا استعمال ملاحظہ کریں۔