Covid-19 ویکسینز

[ View information about COVID-19 in English ]

آپ اور آپ کی کمیونٹی کو COVID-19 سے شدید بیماری، ہسپتال داخل کیے جانے اور موت سے محفوظ رکھنے کے لیے ویکسینیں ایک لازمی آلہ کار ہیں۔ ان کا محفوظ ہونا ثابت شدہ ہے اور اب یہ نیو یارک کے دسیوں لاکھ باشندوں کا COVID-19 کے خلاف تحفظ کر رہی ہیں۔

مکمل طور پر ویکسین لگوا لینے کے بعد (آپ کو ایک خوراک والی ویکسین لگنے یا دو خوراک والی ویکسین کی دوسری خوراک لگنے کے، دو ہفتے بعد)، آپ کے بیمار پڑنے یا COVID-19 کا سبب بننے والا وائرس پھیلانے کے امکانات بہت کم ہوتے ہیں۔

جب آپ کو مکمل طور پر ویکسین لگ چکی ہو تو:

• تمام سرگرمیاں محفوظ تر ہو جاتی ہیں۔


• آپ کو عمومی طور پر چہرے پر نقاب پہننے یا دوسرے لوگوں سے چھ فٹ کے فاصلے پر رہنے کی ضرورت نہیں رہ جاتی۔
  • ہم تجویز کرتے ہیں کہ جب تک مزید لوگوں کو ویکسین لگ رہی ہے آپ چار دیواری کے اندر چہرے پر نقاب پہننا جاری رکھیں۔ چہرے کے نقاب کے بغیر، کھلی فضاء میں کی جانے والی سرگرمیاں زیادہ محفوظ ہوتی ہیں۔
  • چہرے پر نقاب پہننا تب بھی اسکولوں میں، عوامی ٹرانسپورٹیشن پر، نگہداشت صحت کے مراکز پر اور اجتماع والی جگہوں پر، جیسے نرسنگ ہومز اور بے گھروں کے لیے پناہ گاہیں ہیں، اور کسی بھی دوسری جگہ پر جہاں کسی کاروبار کی جانب سے یا مقامی طور پر درکار ہو، درکار رہے گا۔
  • اگر آپ ایسے بغیر ویکسین لگے افراد کے ارد گرد موجود ہیں جو COVID-19 میں مبتلا ہونے کے زیادہ خطرے کی زد میں ہیں تو اپنے چہرے پر نقاب پہن کر رکھیں۔


• اب آپ کو COVID-19 میں مبتلا کسی فرد کی زد میں آنے کے بعد قرنطینہ کرنے کی ضرورت نہیں ہے۔


• اب آپ کو COVID-19 کا ٹیسٹ کروانے کی ضرورت نہیں، ماسوائے کہ آپ میں COVID-19 علامات ظاہر ہوں یا ٹیسٹ کروانا کام، اسکول یا کسی مخصوص سرگرمی کے لیے درکار ہو۔

جب آپ کو ویکسین لگ جائے اس کے بعد بھی، آپ کو اپنے ہاتھ باقاعدگی کے ساتھ دھونا چاہیے اور اگر آپ بیمار ہو جائیں یا COVID-19 کا ٹیسٹ مثبت آ جائے تو آپ کو گھر پر ہی رہنا چاہیے۔

ویکسینیشن کے فوائد کے متعلق مزید جانیں۔

• CDC: محفوظ تر سرگرمیوں کا انتخاب کرنا

ویکسینشن کارڈ

ویکسینیش سائٹ پر آپ کو ایک کارڈ ملے گا جس پر آپ کا نام، تاریخ پیدائش، آپ کو کونسی ویکسین لگی اور یہ آپ کو کس جگہ اور تاریخ پر لگی درج ہو گا۔ اسے محفوظ مقام پر رکھیں اور اس کی فوٹو کاپی کر لیں یا تصویر لے لیں تاکہ یہ اس کے گم جانے کی صورت میں کام آئیں۔

اگر آپ کوPfizer یا Moderna ویکسین لگے تو ویکسین کی دوسری خوراک لگوانے کے لیے اس کارڈ کو اپنے ساتھ لے کر جائیں۔

اگر آپ کو مکمل طور پر ویکسین لگ چکی ہو لیکن آپ کا COVID-19 کا ویکسینیشن ریکارڈ کارڈ گم جائے یا آپ کو اپنی ویکسین لگائے جانے کی حیثیت کے متعلق تصدیق کی ضرورت ہو تو آپ اپنے COVID-19 کی ویکسینیشن کے ریکارڈ کی نقل کے لیے آن لائن درخواست کر سکتے ہیں۔

دوسری خوراک کی اپوائنٹمنٹس

Pfizer اور Moderna ویکسینوں کی دو خوراکیں درکار ہوتی ہیں۔ آپ کو اپنی دوسری خوراک کے لیے، اپنی پہلی خوراک کے 21 دن بعد (Pfizer) یا 28 دن بعد (Moderna) کا وقت حاصل کرنا چاہیے۔ اگر آپ ایسا نہ کر پائیں تو اپنی دوسری خوراک پہلی خوراک کے بعد 42 دن کے اندر لگوا لیں۔ دوسری خوراک لگوانا یقینی بنائیں چاہے جتنا بھی وقت گزر چکا ہو۔

Johnson & Johnson/Janssen ویکسین کی دوسری خوراک لگوانا درکار نہیں۔

بعد از ویکسینیشن وسائل

ذیل میں دیے گئے وسائل میں آپ کی ویکسین کے متعلق مزید معلومات ہیں، بشمول اگر آپ کو ضمنی اثرات محسوس ہوں تو کیا کیا جائے:

• Moderna کی COVID-19 ویکسین لگوا لینے کے بعد آپ کے لیے ضروری معلومات (PDF)
• Pfizer-BioNTech کی COVID-19 ویکسین لگوا لینے کے بعد آپ کے لیے ضروری معلومات (PDF)
• Johnson & Johnson/ Janssen کی COVID-19 ویکسین لگوا لینے کے بعد آپ کے لیے ضروری معلومات (PDF)

منصفانہ اور مساوی رسائی

محکمہ صحت اس بات کو یقینی بنائے گا کہ ویکسین تک رسائی منصفانہ اور مساوی ہو۔ ہمارے منصوبے پسماندہ کمیونٹیوں کو درپیش صحت سے متعلق عدم انصاف اور عدم مساوات (PDF) کو مدںظر رکھتے ہیں۔ ہم اس بات کو یقینی بنائیں گے کہ اس عالمگیر وباء سے شدید ترین متاثر ہونے والی کمیونٹیوں کو ویکسین تک رسائی حاصل ہو۔

• COVID-19 ویکسین کے لیے مساوات کا لائحہِ عمل (PDF)
• COVID-19 Vaccine Distribution Frequently Asked Questions" (COVID-19 ویکسین کے متعلق معذوری کا شکار کمیونٹی کے عمومی سواات)

یاد رکھیں: محکمہ صحت کی تمام ویب سائٹس کو اس طرح تشکیل دیا گیا ہے کہ وہ معذور افراد کے لیے قابلِ رسائی ہوں۔

معذوریوں کے حامل افراد کے لیے ویکسینیشن میں مدد

معذوریوں کے حامل افراد قابل رسائی سائٹ پر ویکسینیشن کی اپوائنٹمنٹ لینے، اپنی اپوائنٹمنٹ کے لیے سفر کرنے اور اپنا شاٹ لگوانے میں مدد حاصل کر سکتے ہیں۔ اس طرح کی مدد کو معقول سہولت (Reasonable Accommodation) کہا جاتا ہے۔

اگر آپ کو ان چیزوں میں دشواری کا سامنا ہے تو آپ معقول سہولت حاصل کر سکتے ہیں:

• دیکھنا یا سُننا
• سوچنا یا توجہ برقرار رکھنا
• بولنا
• اپنے بازوؤں کا استعمال کرنا
• روز مرہ کے کام انجام دینا
• اداسی یا اضطراب کے جذبات سے نبرد آزما ہونا
• ایک جگہ سے دوسری جگہ جانا یا سیڑھیاں چڑھنا

اگرچہ یہ فہرست حتمی نہیں، معقول سہولت کی چند مثالیں یہ ہیں: پہنچنے پر وہیل چئیر فراہم کیا جانا، ASL کی ترجمانی یا چھو کر محسوس کرنے کے ذریعے ترجمانی، اگر شور والی جگہوں سے پریشانی ہوتی ہو تو ایک خاموش جگہ، ویکسینیشن سائٹ کے اندر راستہ تلاش کرنے کے لیے زبانی یا جسمانی رہنمائی۔

اپنی اپوائنٹمنٹ کا وقت مقرر کرواتے وقت آپ معقول سہولت کی درخواست یا تو سٹی کے online appointment scheduler کے ذریعے یا(آن لائن اپوائنٹمنٹ شیڈولر) ‎855-491-2667 پر کال کر کے کر سکتے ہیں۔ آپ سٹی کے زیر انتظام کام کرنے والی کسی ویکسینیشن سائٹ پر عملے سے بھی معقول سہولت کی درخواست کر سکتے ہیں۔

NYC کے وہ رہائشی جو اپنے گھر سے نہیں نکل سکتے، آپ گھر پر ہی ویکسین لگائی جانے کے لیے آن لائن سائن اپ کر سکتے ہیں یا ‎855-491-2667 پر کال کر کے سائن اپ کر سکتے۔

مزید معلومات کے لیے ملاحظہ کریں:

• معذوری کے حامل افراد کے ساتھ نیویارک سڻی ممحکمہ صحت و ذہنی حفظان صحت کی فیسیلیڻیز پر COVID-19 ویسکین تک رسائی کے حوالے سے امتیازی سلوک کی ممانعت (PDF)

اضافی وسائل